Azken 15 urteotan elikagaiekiko alergia eta intolerantziak bikoiztu egin dira munduan. Hori diote datuek. Horren ondorioz, elikagaiekiko alergia da, alergologiaren baitan, azken urteotan berrikuntza gehien eragin dituen esparrua. Beraz garrantzitsua da, lehenengo eta behin, alergiek eta intolerantziak ezagutzea eta kontutan hartzea. Horren inguruan berba egingo dugu On ekin nutrizioko lagunekin.
Gaurkoari hasiera emateko Estatu Batuetatik datorren CarSeatHeadrest taldea pintxatuko dugu. Virginiako taldeak Twin Fantasy izeneko diskoa kaleratu zuen otsail partean eta bertatik bi abesti hartu ditugu. Jarraitzeko Maite Arroitajauregik (Mursego) dantza garaikideko proiektu baterako musika landu du MUTU izeneko proiektu honetan. Mursegoren fineziak eta sentikortasunak emaitza ezin borobilagoa lortu dute […]
