Eguraldi ona lagun dutela jendez lepo egon da San Tomas azoka. Lehen ordutik jendetza bildu da Areatza inguruan eta egun osoan zehar aparteko giroa egon da. Eguerdiko hamabietan abiatuta saio berezia egin dugu San Nikolas plazatik zuzenean. Bertatik ahots asko batu ditugu, lehenengo Bilboko konpartsetako lagunak San Tomas azokaren bueltan antolatutako ekintzen inguruan mintzatu dira. BBk fundazioak antolatutako azoka dugu, eta urtero hasiera ekitaldian sariak ematen dituzte. BBK-k aurten genero-indarkeriaren kontra eta berdintasunaren alde lan edo behar egiten duten Bizkaiko erakundeak sarituko ditu San Tomas Azokari hasiera emateko ekitaldian. Bestetik baserritarrekin hitz egin dugu, azokara ekarritako produktuen inguruan. Aitzol Atutxa aizkolariarekin batera herri kirolen inguruan mintzatu gara eta saioa bukatzeko Euskal Museoko Itziar Martija izan da gurean.
Deskargatu hemen.
