Gaurko musika gomendioa Maraca Diablo taldearen berria. Ina Iriondo Saint-Gerons musikariaren proiektua da Maraca Diablo. Aurretik, Uler 600 eta Munlet taldeetan aritutakoa da. Kantu berria argitaratu dute, bertsioa hain zuzen. “Das Modell” Izenburua ematen dion abestia Kraftwerk musika elektronikoko talde alemaniarraren Die Mensch-Maschine (1978) diskoaren Das Model abestiaren bertsio bat da, Maraca Diabolok euskarara ekarria.
Albiste ezin hobea ekarri digu Urrezko kanta honetan Pedro Elias Igartuak: ekainaren 19an Bob Dylanek disko berria kaleratuko du, Rough and Rowdy Ways (Bide zakar eta zaratatsuak) izenekoa. 2012az geroztik, Dylanek ez zuen kantu berriekiko diskorik ateratzen, eta haren jarraitzaileak irrikaz zeuden, kantu berriak noiz iritsiko. Orain heldu dira, konfinamendu […]
