Gaurko saioan Anjimile-k irekiko ditu ateak. Bere musika espazio berriak topatu nahi duen bidaia bat da. Bere azken diskoan, Giver Taker izenekoan, soiltasuna eta dotorezia topatzen dira nonahi. Dotorezia eta soiltasunaren bidetik jarraituko dugu hurrengo minutuetan ere. Big Theef taldeko ahotsa da Adrianne Lenker, besteak beste, lan interesgarria egiten du talde horretan, baina baita ere bakarka. Hona bere azken diskotik, Songs, bi abesti. Aurrera egingo dugu azeri flota batekin, Fleet Foxes du izena taldeak eta Shore izeneko diskoa da euren azkena. Musikarekin jolasean, barrokismo puntu bat edo rock sinfonikoaren oihartzun txikiak. Zeresan handia eman duen disko batekin jarraituko dugu. Pettiren Manipulazio estrategiak diskoaz ari naiz. Euskal Herriko txoko guztiak korritu ditu honez gero, baina badirudi ez duela oraindik bukatu. Gaur beste bi abesti bertatik. Abesti egile berezi batekin goaz orain. Eraul taldea sortu zuen eta bertan ibili zen, ibilbide motza bezain arrakastatsua izan zuten. Eraul desegitean Blanquita Carraquela ezizenez aurkezten ditu bere abestia Asier Beramendik. Bere ondoan igaroko ditugu hurrengo minutuak. Eta bukatzeko The Weather Station taldeak grabatu duen azken diskoarekin (Ignorance) emango diogu amaiera gaurko saioari.
Deskargatu hemen.