Aste honetako Argian aurkituko ditugun hainbat edukiren errepasoa egin dugu Lander Arbelaitz kazetariarekin. Azaletik abiatu dugu aste honetako errepasoa. Mohammed Ounasser gazteari eginiko elkarrizketa nabarmendu dute azalean. 16 urte zituela bere herria eta familia utzi eta patera batean sartu zen Europako ametsaren bila. Iruñean bizi da eta 2019an Nafarroako Gazteriaren Saria eman zioten, bakarrik etortzen diren gazte etorkinei aitortza gisa. 1910ean Gasteizko gotzain izan zen José Cadena Eletaren historia ekarri digu, gotzainak haurrei euskarazko izenak jartzea debekatu zuen eta gaur egun kale bat du Gasteizen. Errepaso “Atzerrian lurra garratz” antzezlanarekin bukatu du.
Deskargatu hemen.
