Bernat Etxepareren ‘Linguae Vasconum Primitiae’ irakurriko da, etenik gabe eta txandaka Bilbo Zaharra Euskaltegiak antolatutako klasikoen 14. irakurraldian. Ekainaren 3an izango da ekitaldia, Arriaga Antzokian, 08:00etatik 14:00etara. 200 lagun inguruk eta 50 Euskal Etxek hartuko dute parte aurtengo edizio honetan. Liburu hau honek baditu ezaugari bi erabat nabarmenak: batetik, euskarazko lehen liburua izatearen garrantzia, eta bestetik, poesia herrikoiaren eredu izatearena. Izan ere, Etxeparek idatzi zuen poesia ez da poesia kultua, baizik eta herrikoia. Poesia bat, kantatua izatekoa, bertsolaritzatik eta koplagintzatik hurbil dagoena. Gaur egun, horrelako poesiatik hurbilen dauden artistetako bat, dudarik gabe, Xabier Amuriza da. Beraz, bi idazleon arteko kidetasun literario horretan indar harturik, Zornotzako bertsolariak Etxepareren obraren bertsio berri bat dakar, haren testua euskara batuan jarrita.
Deskargatu hemen
