Gaurkoan izen propio baten inguruan arituko da Garazi Navas. Saioaren izenburua “Luis de Pabloren oihartzunak” da, Luis de Pabloren obraren soinu, doinu, erritmo, ehundura, zarata, polifonia eta ideiak ekarri dizkigu Garazik. Beraz, bilbotar entzutetsu baten inguruan aritu da, monografiko bat eskaini dio. Luis de Pablo Costales Bilbon jaio zen 1930eko urtarrilaren 28an eta Madrilen hil, 2021eko urriaren 10ean, orain dela gutxi, zoritxarrez. XX. eta XXI. mendeetako musika garaikideko estatuko konpositoreen artean handienetarikoa, obra kopuru izugarria utzi duena eta dagoeneko gure musikaren historiaren parte bihurtu dena. 150 obra baino gehiago idatzi zituen: bai instrumentu solistentzat, bai ganbara-musikako talde txikientzat, orkestra, koru, opera eta zinemarako musikaz gain.
Deskargatu hemen.