Gabriel Aresti euskaltegiko kultur ekarpenean izan da Mikel Inunziaga INUN artista eta ondoren, mahaiaren bueltan batu zaigu. Kafe Antzokian estreinatu ditu kanta batzuk eta kontatu digu laster izango dela haiek entzuteko aukera. Hala ere, disko-gira-disko… dinamikatik atera dela aitortu digu eta azpimarratu musika kaleratzen duela sortu eta gero, gorputzak eskatzen dionean. Orain Sergio Mayoral tronpeta jolearekin aritzen da eszenatokiz eszenatoki, baina aitortu du beharraren eta egoeraren arabera formatua aldatzen duela: taldean, binaka edo bera bakarrik. Hurrengo kontzertuen data zein den jakiteko bere instagram eta facebook kontuak jarraitzeko gomendioa ere egin digu.
Deskargatu hemen.
