Gorka Peñagarikanorekin batera ARGIA astekariaren urteko lehen errepasoa egin dugu. Azalean, Garazi Murua futbolari gazte algortarra eta orain arte Athleticeko kapitaina izandakoa. Lesio baten ondorioz, erretiroa hartu du 30 urterekin eta ikasketak amaitu eta lanean hasteko gogotsu dagoela ere esan dio Onintza Enbeitari. Barrualdean, Tolosako Laskorain ikastolak ezarritako ebaluazio modu berria, ohiko ebaluazio-azterketarik gabea (eta badirudi funtzionatu duela). Bukatzeko, Balear Uharteetako hazi elkarte bateko kide bati elkarrizketa dakar aste honetako ARGIAk, bertako landare eta haziez.
Deskargatu hemen.
