Gaur aurkeztu dute erasoen aurkako estrategia berria, “Errespetu nagusia” lelopean. Juan Mari Aburto Bilboko alkateak argi adierazi du udal talde guztiak prest daudela poza eta festa bermatzeko. Bilboko Udalak eta Bilboko Konpartsek, jaiei lotutako entitateekin batera, Aste Nagusian eraso matxistak, arrazistak eta LGTBIQfobikoak gertatzen direnerako aholkularitza- eta jarduera-protokoloa berritu dute. Abuztuaren 17an jarriko dute abian.
Gaur aurkeztu dituzte Bilboko Konpartsek erasoen aurkako lantaldeak Aste Nagusirako prestatu duen protokolo eta dinamikak. Iazko Aste Nagusia amaitu zenetik ibili direla lanean azaldu dute eta argi adierazi pertsona guztiak direla ongi etorriak baina ez jarrera guztiak. Bestalde, adierazi dute erasoren bat ikusiz gero, babesa eskaintzeko erasoa pairatutako edonori eta […]
