Bizkaiko aurtengo txapelketaren harira, joan zen igandean Gernikan jokatu zen hirugarren eta azken finalaurrea aipatu digu Jabi Lauzurika lankideak. Bertan gertatukoaren berri eta zenbait bertsolarik Jai Alai-n kantatutakoa duzue entzungai gaurko saio honetan. Abenduaren 18an jokatuko den finalerako zortzikotea erabaki zen Gernikan… DESKARGATU HEMEN!!!
“Gure aitak bizilekuz aldatu behar izan zuen lur bila. Nik sistema aldatu nahi dut” dio Rafael Alegría Honduraseko erresistentziako liderrak aste honetako Argiaren azalean. Honekin batera Hiperaktibitatea aztertu dute Asteko Gaian; Kultura eta aisian, aldiz, “Mikel Laboa: musikari berriek berpiztu dute inoiz hil ez zena” landu dute. Termometroan bi aipamen […]
..66. saioa! Haragizkoa izeneko lan erotikoa ezagutzeko aukera;Bilbo Hiria Irratira etorri diren Omar Nabarro eta Rafa Ruedak errezitatu eta kantatu egiten dituzte “Haragizko amoreak” (Omar Nabarro, Susa 2009) liburutik hartutako zenbait poema; Joseba Barrenetxea argazkilari mundakarra ere partaide dugu lan multidiziplinar honetan.Letrak&Musika! Ondo berotu! Arg: Joseba Barrenetxea(Omar Nabarro) DESKARGATU!!!
Abenduaren 3ko Euskararen Nazioarteko Egunaren harira, Bilbon Euskalgintzan diharduten zenbait taldek ospakizun berezia egingo dute Plaza Barrian eta Zazpi kaleetan, bigarrenez aurten. AEK-ko kide den Tito Serranok, egunaren zentzua eta “euskara jantzi eta erabili” lelopean antolatu diren ekitaldiak aipatu dizkigu. Gogoratu: abenduaren 3an, ostiralean, eta 17,00etatik aurrera Bilboko plaza Berrian […]
Xabier Aierdi, EHUko irakasle eta soziologoarekin solastatu gara igandean Katalunian izan hauteskundeei buruz. Emaitzak, beraien zergatiak eta arrazoi posibleak, egoera berria,partaidetza, igorritako mezuak… Eskaini dizkiogun minutuetan ezer gutxi gehiago azter liteke. Bere betiko mintzo fresko eta kritikoaren plazaratu da, gaurkoan ere bai, Xabier Aierdi. DESKARGATU HEMEN!!!
Durangoko lehen finalaurrearen ondoren, Zornotzakoa jokatu zen iragan domekan.Saio honen gaineko azterketatxoa egin digu Jabi Lauzurika lankideak; tartean bertsolariek kantatutako zenbait pasarte entzuteko eta gozatzeko aukera ere izango duzue. Gogoratu igande hontan Gernikan azken saio erabakiorra jokatuko dela. Alea jacta est! DESKARGATU!!!
Gaur Gose taldea izango dugu gurean, Arrasatekoek euren gustuak eta taldearen nondik norakoez mintzatuko dira. Prodigy eta Petti ere entzungo ditugu, Gose taldekideek aurkeztuta. Ondo izan. DESKARGATU!!!
Azaroari dagokiona eta azalean Amaia Alvarez Uria: berari egin diote elkarrizketa nagusia. Erreportajean, aldiz, Deustualdeko Argazki Zaharren Erakusketa jorratu dute Lur Mallea Prest aldizkariko zuzendariak komentatu duenez. Horietaz gain Aritz Eiguren komikilaria eta betiko atalak: Gureak kanpoan eta Inkesta. DESKARGATU!!!
Aurtengo Gabonetan, hirugarrenez, kontsumoak eta familien gastuak behera joko dute EAEn, Jose Luis Segura EKAko komunikazio arduradunak kontatu digunez. Aurten, EKAk egindako inkestaren arabera, familia bakoitzeko 500 eta 1000 euro bitarteko gastua egingo dugu: honi lotutako gai batzuk azaldu ditu Jose Luisek eta amaitzeko kontsumo arduratsu baten aldeko zenbait gomendio […]
Iparraldeko lurrik gabeko artzainak egoera latzean bizi dira eta aurrera egiteko asmoarekin zenbait artistarekin jarri ziren kontaktuan, zer edozer egiteko asmoarekin: orduan jaio zen Okatxu ardi buru beltza. Idei horretatik abiatuta Asisko Urmeneta marrazkilariak, Mattin Irigoien gidoilariak eta Adur Larrea koloristak ia 60 orrialdeko komiki bat sortu dute, ardi adarduna […]