Martxan dugu dagoeneko COP 21, klima aldaketaren inguruko Parisko goi bilera, baita horren aurkako erantzunak ere. Horiek igandean hasi baziren ere, datozen egunotan gehiago izango dira, besteak beste, Vía Campesinak antolatuta. Bilera batzuk egiteaz gain, hilaren 12a aurreikusita dute manifestazio handia egitea, Unai Arangurenek kontatu digunez.
Frantziako agintariek larrialdi egoera hiru hilabetez luzatu duten arren, Baionan manifestazioak egin dira Parisko goi bileraren karietara, manifestazioak debekaturik dauden arren. Berri horrekin hasi da Pantzo Hirigarai bere Ipar Euskal Herriko kronika egiten, gero beste batzuk jorratzeko: Baigorrira errefuxiatu gehiago heldu direla, Lorentxa Guimonen kasua, eta, bukatzeko, gaur azken eguna […]
