Urriaren 1a “Arkitektura eguna” ospatzen da, eta Euskal Herriko hiriburuetan “arkitektura astea” antolatu da, bakoitzak bere lan-ildo bat aurkeztuz. Bilbon lehen “Bilboko Arkitektura Astea” egin da, hiriaren gaineko gogoeta oinarri izan duelarik. Hiria herritarren bizimodua gauzatzen den espazioa da, arkitekturak forma ematen dionak. Bilbo arkitekto baten begiradarekin deskubritzeko ahalegina egin du arkitektura asteak. Horretarako ibilaldiak antolatu dira Bilboren bi elementu nagusien inguruan: Nerbio itsasadarra eta mendia. Guggenheim museoak bere 20.urteurrenerako ospakizunak hasi dituenean, une egokia da “Bilboren efektuaz” hitzegiteko.Bilboko Guggenheim efektua New York Times-ek definitu zuen dela urte asko, eta horrela ezagutarazi ohi da Bilboaldearen transformazioaren “arrakasta”. Denek kopiatu nahi izan dute Bilbon gertatutakoa: hiri baten eredu industrialetik turismora aldatzeaz ari dira, nola eta arkitekturaren “efektu” gisa. Noski, arkitekturak soilik ez du horretarako gaitasunik, estrategia ekonomiko handientsu bat izan du babesean, eta hori da txalotzen dena. Hiri markaren eredua alegia. Guzti honen inguruan gogoeta egin du Ula Iruretagoiena arkitektoak.
Deskargatu hemen.
