Jaiaren nondik norakoak eman dizkigute Larramendi ikastolako arduradunak. Ikastola eta herria batuko ditu ibilbideak, eta lau gune izango ditu 5,7 kilometrotan. Larramendi ikastola eraldaketa prozesu estrategiko batean murgilduta dago. Proiektu akademikoak eta kudeaketak bat egitea nahi dute, ikastolak bultzatutako balioetan oinarrituta. Ibilaldiaren irabaziak eraldaketa “integral” horretan laguntzeko erabiliko dituzte.Egitarau oparoa prestatu dute domekara baina aurreko urtean abiatutako eragile moreak deituriko ekimena ere bultzatu dute. Durangoko Ibilaldiak egindako ekarpena aintzat hartuz eta horri jarraipena emanez, eragile moreek Ibilaldi honetan ere eraso bako jaia izateko lan egingo dute, jai parekidea bultzatuz. More koloreko petoa eramango dute, eta gune guztietan egongo dira. Gainera, eraso sexistak egonez gero, protokoloa zehaztu dute antolatzaileek. Jai jasangarria ere izatea nahi dute, eta Erronka Garbia zigilua lortu du ibilaldiak.
Deskargatu hemen.
