Aupa lagunok! Oso hipnotikoa gelditu zaigu gaurko saioa. Hasteko Physis versus Nomos entzungo dugu, Beñat Antxustegiren proiektu barnerakoiarekin hasiera emango diogu saioari, segidan Igor Arzuagaren azken diskoarekin jarraitzeko. Igorrek Nire Begiak izeneko diskoa kaleratu berri du eta bertan pianoa eta ahotsa gordinik eta sendo ageri dira. Rafa Ruedak ere bisita egingo digu Hiri Kristalezkoa azken diskoarekin, besteak beste Oroitz kantu samur eta hunkigarria eskainiz. Le Manque talde frantziarrak hartuko dio erreleboa, bi kantu jostari eta sakon ekarri dizkigutela eta bukatzeko Torres, Mackenzie Scott-en proiektua Three Futures bere azken diskoarekin. On egin!
Deskargatu hemen.
