Natura eta Ama Lurraren babesean aritzea ez da debaldekoa. Herri taldeak eta indigenak lurren okupazioa, azpiegitura erraldoiak, proiektu hidrologikoak eta urtegiak, oihanen deforestazioa eta bestelako erasoak salatzen eta mobilizazioak prestatzen dituztenean Estatuen partetik eta korporazio transnazionalek ordaindutako talde paramilitarren aldetik ere errepresioa sufritzen ari dira mundu zabalean. David eta Goliath-en arteko lehia bezala desorekatua eta gutxi ezagutua da ekologista eta Ama Lurraren alde ibiltzen direnen aurkako errepresioa. Dena den, ekologismoaren memoria ere idatzi gabe dugu eta hori egiteko indarra eta denbora atera beharko dugu. (Argazkia: Berta Cáceres).
Deskargatu hemen.