Era Batera taldeak “Antipodetan” lana aurkeztu digu, Gaizka Salazar eta Jurgi Ekiza batu zaizkigu. Talde berria, kantu berriak, baina ezagunak eta ez hasi berriak dira. Era Batera uda aurretik aurkeztu zuten Antipodetan kantua eta proiektua gaur aurkeztu digute. Gaizka Salazarrek sustatutako taldea dugu, Etxean eta berak bakarrik landu ditu ideiak mimo handiz, biribilduz, estudio batean grabatzeko unea iritsi zela sentitu arte. Orduan deitu zituen lagunak, Horrela gehitu ziren Gatibun ere taldekide duen Mikel Caballero, Ken Zazpiko Beñat Serna eta Willis Drummondeko Jurgi Ekiza. Presiorik gabe eta gozatu dutela aitortu digute, zuzenean lana erakusteko gogoz, azaroaren 8an Kafe Antzokian aurkeztuko dute.
Deskargatu hemen.
