Saio honetako lehenengo gonbidatua Beach House izango da, euren azken diskotik (7) ateratako kantu pare batekin. Dream pop jorratzen duen talde honek atmosfera beteak sortzen trebea dela ikusiko duzue. Atmosfera beteekin jaraitzeko Zarautzetik datorren Buffalo taldea ekarri dugu. Ander eta Joanes Ederrak eta David Gorospek osatzen duten taldeak Zinematik diskoa atera zuten duela urte pare bat eta 1981 album berriaren aurrerapen kantua ere ekarriko dugu gaurko saiora. Speedy Ortizen ostean Xabier Montoiaren Gorraizea disko liluragarriarekin jarraituko dugu, Musibla honetan benetan estimatzen dugun diskoa. Sondre Lerche norvegiarraren 2007ko Phantom Punch diskoa ere berreskuratu dugu bi kantu jartzeko eta amaiera frantzesa, Dominique A eta Emilie Simon hurrenez hurren.
Deskargatu hemen.
