Liher taldeak emango dio hasiera gaurko saioari. Euren azken diskoa, Eta Hutsa Zen Helmuga, energiaz beteta dator, 11 abesti bildu dituzte azken grabazio honetan, zein baino zein erakargarriago. Abesti bat besterik ezin dizut eman abesten du Birkite Alonsok (Birkit) “Azalak” izeneko abestian, Inertzia izeneko disko bikaineko abestietako bat. Ondo moldatutako abestiak eta istorio gazi-gozok lagunduta. Gaur egiten digu bigarren bisita Birkitek, etorriko dira gehiago. Irlandatik dator hurrengo taldea. Fontaines DC-k A Hero’s Death izeneko azken grabazioa kaleratu dute asko ez dela. Garapen luzeak eta errusiar mendi baten moduko konposizioak. Gomendagarria. Jones Agara eta Joseba B.Lenoir AgarA izeneko proiektuan bildu dira. Bi abestiko grabazio batekin datoz, eta erakargarri egiten da lehenengo entzunalditik. Badute Ezra Furman-en usain bat, lehenengo abestian gehien bat (“Egitan al zen?”). Ahotsen produkzioarengatik agian, edo gitarren soinu lakarrarengatik. Zinez interesgarria. Hurrengo taldea Zaldibiatik dator. Bi Zaldi dute izena eta emozio zama handi bat txertatu dute euren Lo Zena diskoan. Abesti bakoitza paisaia bat. Ikusmira ederrak. Taylor Vick musikariak Boy Scouts izenpean agertzen ditu bere grabazioak. Zetazko soinuak. Wayfinder du izena bere azken grabazioak. Eta bukatzeko Nick Cave eta Warren Ellis, buruz buru egindako diskoa ekarri dugu, Carnage. Galera onartzeko gidaliburua.
Deskargatu hemen.