Ezkerreko begiradatik, ekosozialismoaren hazia ezarri du ekologismo sozialak. Kontserbazionismoak eremuak banatzea eta ekologismo espiritualak naturaren sakralizazioa proposatzen zuen bitartean, ekologismo sozialak natura eta gizartea batera modu orekatuan egotea proposatzen du, eremuen erabateko banaketa fisikorik gabe baina naturak giza garapenaren mendekotasunik pairatu gabe. Gure arteko harremanak justizia sozialaren ikuspegi etiko baten arabera antolatzen baditugu, horretxeren arabera antolatu beharko ditugu naturarekikoak ere indibidualismo posesiboaren eta kapitalismo alienatzailearen kontrako jarrera da hau. Ekosozialismoak sozialismoaren eta ekologismoaren ideiak uztartzen ditu, ekosozialistek kapitalismoa gizartearentzat zein ingurugiroarentzat kaltegarria den sistema dela pentsatzen dutelako. Ezkerreko gobernu eta alderdi zenbaitek izandako jarrera eta politika produktibistak ere kritikatu dituzte, hortaz, ekologia baztertzen dutelako.
Deskargatu hemen.