Gaur Bidebarrieta kulturgunean Bingen Zupiria Eusko Jaurlaritzako Kultura sailburuak lau Euskadi Sariren berri eman du. Etxera bidean liburuagatik irabazi du saria Xamarrek, eta Alice Munroe idazlearen Etsaiak, lagunak, ezkongaiak, maitaleak, senar-emazteak euskaratzeagatik Isabel Etxeberriak. Ramon Eder idazleak jaso du gaztelerazko literaturakoa, Palmeras solitarias liburuagatik, eta Daniel Innerarityk, berriz, gaztelerazko saiakerakoa, Política para perplejos lanagatik. Aurreko astean eman zituzten, Gasteizko Artium museoan, beste hiru sarituen izenak: Irati Elorrietak irabazi du Euskarazko Literaturako saria, Neguko argiak lanagatik, Patxi Zubizarretak Euskarazko Haur eta Gazte Literaturako saria, Korri, kuru, korri! liburuagatik, eta Asisko Urmenetak ilustraziorik onenarena, AztiHitza: Xahoren Biografikoa lanagatik.
Deskargatu hemen.
