Giza begiari ikusezina zaion birus ñimiño batek mundua izu-ikaratan jarri duen honetan, eritasunei buruz egin diren kantu ezagunenetariko bat ekarri digu Pedrok. Kantak Rockin’ Pneumonia and The Woogie Boogie Flu du izena eta rhythm and blues-aren arloan distira handiko izarra izatera iritsi zen Huey Piano Smith piano jotzaile bikainak grabatu zuen 1957an. Pedrok gogorarazi digunez, hau ez zen eritasun bati New Orleanseko musikariak egin zion kanta bakarra, baina bai, ordea, ezagunena. Eta musikaz eta eritasunez ari garela, zenbat kanta ez ote dira sortuko oraingo osasun krisia dela eta? Eta gehiago dena: horietarik zenbatek iraunen ote dute denboran, aipagai darabilgun honek iraun duen bezala.
Deskargatu hemen.