Arbaso elkartearen eskutik, Gabonart Gabonetako Artisautza Azokaren 8.edizioa izango da aurtengoa. Abenduaren 16tik urtarrilaren 5era ospatuko da bere historian lehen aldiz Areatzako Pasealekuan. Hogeita hamar erakusketari izango dira guztira. Euskal Herriko lurralde guztietako eta Estatu osoko ordezkaritza egongo den arren, artisau gehienak bizkaitarrak izango dira.
Aurten bestelako formatu bat izango du azokak, izan ere, alde batera utziko dira ohiko olana zuria, eta etxolak erabiliko dira. Horrela, jendea artisautzatik hurbilago sentituko dela adierazi du Amaia Arregi jarduneko alkateak. Horrez gain, herritarrak azokara hurbil daitezen animatu ditu.
Deskargatu hemen.