Pandemia egoerara egokitutakoa izango da aurtengo Ibilaldia: ez du ibilbiderik izango, ez janari eta edari zerbitzurik, ezta kontzertu erraldoirik ere. Horren ordez, bertaratzen direnek tailerrak eta ikuskizunak izango dituzte aukeran, lau gunetan banatuta. Beste baldintza bat ere ezarri dute: parte hartu ahal izateko, aurrez izena eman beharko da Ibilaldiaren webgunean. Xabier Ugalde Ander Deuna ikastolako zuzendariak nabarmendu du garrantzitsua izan dela aurten eginiko ahalegina eta balio izan duela ereduaren inguruan pentsatzeko. Prest eta gogotsu daude igandean gune ezberdinetan gozatzeko.
Deskargatu hemen.