Hazkunde azkarreko zuhaitzak direnez gero, aspalditxo duela eukaliptoak landatzeko joera laster zabaldu zen Euskal Herrian. Nolanahi den ere, urruneko urte haietan ez zen kontuan hartu zenbaterainoko kalteak eragin zitzaketen eukaliptoek ingurumenean, eta orduko erabakien ondorioak orain pairatzen ari gara. Adibidez, ur asko behar dutenez, eukaliptoek lehorteak eragin ditzakete, eta ibaietara isurtzen dituzten substantziek arrisku bizian jartzen dituzte hainbat landare eta animaliaren bizia. Baina eukalipto eta ibaien arteko harreman negatibo hori sakon aztertu duen ikertzaile bat etorri zaigunez saio honetara, berari, Aitor Larrañagari galdetu diogu (irudia: Ethel Aardvark, Wikipedia).
Deskargatu hemen.