ARGIA astekariaren errepasoa egin dugu Gorka Peñagarikanorekin. Azalean, Eiffel Dorrea ekarri dute, baina goiko zatia apurturik ikusten da. Izan ere, larrialdi klimatikoari loturiko Parisko akordio marabillosotik 10 urte igaro dira… eta, hara, ez dira helburuak bete. Barrualdean, hirien turistifikazioari buruzko erreportajea egin dute. Italiar kazetari batek Donostiako errealitatea aztertu du, baina tira, izan daiteke Donostia, Bilbo edo Baiona. Italiar batek idatzi du, italieraz, italiarrentzat: Italiako herritarrak mugiarazteko helburua du, Euskal Herriko militantzia ereduak kontatuta. Bukatzeko, Koldo Otamendi Kojo, musikazale ezaguna, Musika Zuzenean-eko kidea. Talde askoren managerra, musika talde asko elkarrizketatu ditu… Urteak daramatza horretan. Elkarrizketa egin dio Amets Arangurenek.
Deskargatu hemen.
