Nekktar taldea batu da gurera. Durangaldetik (Elorrio, Berriz eta Durangotik, hain zuzen ere) datorren hirukotea dugu. Alaia, Nerea eta Ibon etorri dira kanta zerrenda luze bat osatuz. Haien lehenengo lana (Hordago Larrei diskoa) kaleratu berri dute eta zerrenda honetan erreferente zein bukle bezala izan dituztenak nahastu ditugu. https://bilbohiria.com/docs2/2025/norbaithildahemen/250327_norbait_huil_da_hemen_16.mp3 Deskargatu hemen.
Norbait hil da hemen
Norbait hil da hemen, Feline taldearen kantu bat izateaz gain, Bilbo Hiria irratiko saio berri baten izena dugu. Nahia Novo DJ-ak kantua hartu du sintonia eta izen gisa. Astero hitzordua izango dugu berarekin, eta ordubetez bidaia musikal berezi bat proposatuko digu.
Azken ordu honetan Gorka eta Xabi izan dira gurean. Gorkassss (GARRAIO eta Ainke) eta Miin (Sistemak Arriskutsuak Dira) bakarlari moduan etorri dira, baina biak batera. Haien elkarlana oparitu digute primizian, “okerrera juten bada”, beste hainbat esaldien artean, laguntasunari buruz jarduten duen kanta. Eta horrelaxe joan zaigu guri ordua, lagun arteko […]
Aurreko saio amaitezinaren bukaera dugu hau. Honetan, kronologikoki sortutako zerrenda gaur arte luzatu dugu eta gertuago ditugun erreferenteei buruz egon gara hizketan. Queer izateak ekar ditzakeenak eta musikaren bidez islatzen direnak izan dira berriro elkarrizketaren ardatzak. Gorroto, dantza edota negarrerako espazioak utzi ditugu kanten bitartez. https://bilbohiria.com/docs2/2025/norbaithildahemen/250318_norbait_hilda_hemen_14.mp3 Deskargatu hemen.
Bueltan gara aspaldiko partez. Arazo teknikoak gainditu eta saio berezi batekin gatoz oraingoan. Beñat laguna etorri zaigu historia klasea ematera. Gaurkoan, queer/disidentzian kokatzen den musika pop-ari buruz aritu gara, datak asmatu nahian eta hainbat datu bitxi botatzen bitartean. Gai hau guretzat amaitezina denez denboraz larri ibili gara, eta horregatik, oraingo […]
Bilbon kokatzen gara berriz. Oraingoan Adur (Naroa eta Xabi) izan dira irratian gurekin. Aurreko saioan hasitako elektronikaren gaiarekin jarraitu dugu nolabait. Opari eta kontakizun artean igaro da saioa. Kontzertu desberdinen anekdotak irten dira, bizitako egoerekin batera. Eta horrekin lotuta, ezagututako jende jatorra hainbat kantekin nahastu da. https://bilbohiria.com/docs2/2025/norbaithildahemen/250212_NorbaitHildaHemen_12.mp3 Deskargatu hemen.
Malakias etorri da gaurkoan, Durangotik autopistako atasko guztiak gaindituz. Biok amankomunean ditugun eremuak atera ditugu saio honetan. Punkaren eta elektronikaren doinuak nahastu ditugu hainbat artista partekatu ditugun bitartean. Ez dago gaixorik, bere ahots naturala da entzuten dena. https://bilbohiria.com/docs2/2025/norbaithildahemen/250206_NorbaitHildaHemen_11.mp3 Deskargatu hemen.
Urtzi Iza ezin zen lehenengotariko gonbidatu bat izan gabe gelditu. Elkarrekin egon garen saio honetan pixka bat denetarik sartu dugu. Alde batetik, berarekin lan egin duten talde batzuei buruz ibili gara hizketan, eta bestetik, gu bion aparteko beste kontu batzuetaz. Bitartean gai interesgarriak atera dira eta lasai asko luzatu gara haietan. https://bilbohiria.com/docs2/2025/norbaithildahemen/250129_NorbaitHildaHemen_10.mp3 […]
Gaurkoan Oihan Manterola etorri da Getariatik eta elkarrekin orain arte egindako saio dinamikoena irten da! Kanta azkar asko, zarata eta mugimendua. Testuinguru antzekotik abiatutako kejak, kezkak, hitz politt eta ez hain polittak. Anekdotaren bat eta frikada asko, hori dana ordutxo baten kontzentratua. https://bilbohiria.com/docs2/2025/norbaithildahemen/250125_NorbaitHildaHemen_09.mp3 Deskargatu hemen.
Mikosis taldeko bi partaide izan ditugu gaurkoan gurean, Ane Mei eta Carla. Azterketak amaituta, kanta zerrenda bat osatu dugu denon artean urtearen hasiera on hau ospatzeko. Toki desberdinetako artistak izan ditugu zerrenda horren parte. Hala ere, kejak eta nostalgia puntuek protagonismoa hartu dute. Hurrengoan taldea osorik etorriko dela adostu da, […]
Aste honetan urteari hasiera eman dioten kanten zerrenda dator. 2025 urtea musikarekin abiatu dugu norbait hil da hemen saioan. Azkenaldian entzundakoen nahaste bat ekarri dugu, 80ko hamarkadan hemen gertu gertatutakoak eta atzo kaleratutakoak uztartzen dira bertan. https://bilbohiria.com/docs2/2025/norbaithildahemen/250113_NorbaitHildaHemen_07.mp3 Deskatgatu hemen.