Gogoetaren plaza beste urte batez euskal kulturaz solastu, eztabaidatu eta hausnartzeko tokia izan da. Atzo arratsaldean Andrazkoa plazan izenburupean lau emakume agertu ziren oholtzan: Iratxe Retolaza literatura kritikaria, Bego Montorio itzultzailea, Ane Labaka bertsolaria eta Olatz Beobide aktorea. Emakumeek zineman, literaturan, bertsolaritzan eta itzulpengintzan bizi duten egoera aztertu zuten. Lehenik eta behin, laurek argazkia edo diagnostikoa egin zuten. Emandako zenbakiek bat egiten zuten kalean dagoen perzepzioarekin. Lau hizlariek onartu zuten emakumezkoen presentziak gora egin duela azken urteetan lau alorrotan, baina zehaztu zuten zailtasunak daudela oraindik prestigiozkotzat jotzen diren esparruetara heltzeko.
Deskargatu hemen.