Laboreko dendak urtebete egin berri duenean, Elikadura burujabetzako bigarren jardunaldiak antolatu dituzte Labore eta Ipesek azaroaren 6tik 8ra. Zer egin dezakegu herritarrok Bilbotik? galderapean kontsumitzaileak nekazariei hurbiltzeaz, nekazaritzaren etorkizunaz eta Ipar Euskal Herriko nekazaritzaz arituko dira hiru egunotan.
Gaur arratsaldea hasiko dira jardunaldiak, nekazari eta kontsumitzaileen arteko aliantzak landuz. Kafe antzokian izango da, arratsaldeko zazpietan. Bihar, Indautxuko udaltegian gazteak eta emakumeak nekazaritzaren etorkizuna jardunaldia izango dute; arratsaldeko zazpietan. Jardunaldiak ostegunean amaituko dira, Ipar Euskal Herriko Aire freskoak ezagutzen jardunaldiarekin. Laboren, Santutxun izango da, arratsaldeko zazpietan.
Deskargatu hemen.