Atxuri auzoko hainbat eragilek – Lokomotorak, Atxuriko Eskola, Atxurigorri Elkartea eta abar – Jai-manifestazio bat deitu dute biharko, ingurua bizilagunentzat bizigarriago egin behar dela azpimarratzeko. Irailaren 22an izango da, Autorik gabeko egunean, Mugikortasunaren Europako Astearen barruan, 16: 30ean, Santos Juanes plazan. Atxuri kalea itxi egingo da, eta manifestazioa Los Caños pasealekuraino joango da, geldialdiak eginez auzoaren beharrak antzezteko. Kalea eta galtzada margotu eta apainduko dira, espazio bizigarri eta jasangarri bihurtzeko, eta ingurune hori ordu batzuez berreskuratuko da pertsonentzat. Urteak daramatzate aldarrikapen hau egiten eta beste behin jai giroan kalera aterako dira.
Deskargatu hemen.