Asel Luzarragak Bahiketa, bere bederatzigarren nobela argitaratu du Txalaparta argitaletxearen eskutik. Aselen bista izan dugu gaurko saioan. Bi protagonista ditu eleberriak. Batetik, Edu, marxista eta Buenos Airesko ‘La Hoz’ egunkari fikzioan lan egiten duena. Bestetik Matxin dugu, anarkista eta desagertuta dagoena. Eduren bitartez ezagutuko dugu Matxin. Buenos Aires hirian kokatu du eleberria, eta bere hitzetan hirugarren protagonista dugu.
Sarrikoko fakultatean izandako liburu-aurkezpen bat hizpide izan dute Josu Larrinagak eta Iñaki Barcenak. Ekosozialismoaren inguruko liburua zen, Las cenizas de Prometeo, Quim Semperek idatzia. Aurkezpen-ekitaldian bertan present zegoen pianoa bezala, denok hurbiltzen ikusten dugun kolapsoa dago ostertzean, geldiezina dirudien eta etsipenez onartzen duguna, etengabeko hazkundeari uko egin ezin… ala nahi […]
