Israelgo leize batean gorden diren fosilak oinarri harturik, neanderthal gizakien arnasketa sistema ikertzeko modua izan du Asier Gomez Olivencia paleoantropologoak. Bertan aurkituriko orno, saihets eta hezur pelbikoek neandertalen toraxa nolakoa zatekeen jakiteko eta berreraikitzeko bidea eman dute ikerlan garrantzitsu horretan. Eta ikerlanaren ondorio batzuk harrigarri samarrak dira, Asier Gomez Olivenciak gaurko saioan erakutsiko digunez.
Giza paleontologian doktorea da Asier Gomez Olivencia. Egoitza postdoktoralak egin ditu Cambridgeko Unibertsitatean eta Muséum National d’Histoire Naturelle delakoan. Gaur egun Ikerbasque ikertzailea da UPV/EHUko estratigrafía eta paleontología departamentuan.
Deskargatu hemen.
