Urtero lez, abenduaren 1ean ospatzen da HIESAren aurkako borrokaren nazioarteko eguna.
80ko hamarkadan bazterrak nahastu zituen Giza Immunoeskasiaren Birusak (GIB) sortutako gaixotasuna da HIESA. 1983ko maiatzaren 20an, zientzialari-talde batek Science aldizkarian argitaratu zuen birus berri honen aurkikuntza. Baina momentuan ez zuten benetan jakin zenbaterainoko aurkikuntza izan zen, ezta mikroorganismo horrek zer-nolako sufrimendua eragingo zuen.
Euskal Herrian, lehenengo kasuak 1984an detektatu ziren eta hurrengo urteetan guztira ia 10.000 pertsona kutsatu ziren eta 4.000 hil. Baina 1996an guztia aldatu zen, ‘Terapia Antirretrobiral’ izeneko tratamenduak kutsatuen bizitza aldatu baitzuen. GIBarekin bizitzea posible zen, eta gaixotasun hau hilgarria izatetik kronikoa izatera pasa zen. Gaur egun, egoera berarekin jarraitzen dugu, baina 2030erako gaitz honekin guztiz amaitzea espero dute adituek.
Deskargatu hemen.
